22-октябрь күнү Кадамжай шаарында карыларды сыйлоо кечеси болду. Кадамжай районунун аймагындагы айыл округтардан карыялар келишти. Аларга сый-тамактар берилип, маданият кызматкерлери жана мектеп окуучулары тарабынан концертик программа тартууланды. Сөзгө чыккан мекеме-ишканалар жетекчилери карылардын азыркы тынч жашоого салымдары чоң экенин айтып өтүштү. Келген аксакал аталарга ак калпак, ыйык энелерибизге ак жоолуктар салынды.
Бирок, азыркы күндө карылар үйүлөрү күндөн-күнгө толуп бара жаткандыгы өкүндүрөт. Бул кимдир бирөөнүн ыйык ата-энелери көчөдө калып жаткандыгы.
Акын Б. Жамгырчиевдин ыр саптарында айтылгандай, карылар дайым кадырлуу.
Төрдүн көркү, элдин көркү карылар,
Төрүбүздө урмат көрчү маалыңар.
Дем күч болуп жалындаган жаштарга,
Ден-соолукта жүрүңүздөр баарыңар.
Сиздер барда кыргыз элдин жаны бар,
Сиздер барда булл өмүрдүн шаңы бар.
Калк ичинде кадырыңар бек болуп,
Кайратыңар ташып турсун карылар.
Азамат Абсаттаров, атайын кабарчы
