4-октябрь күнү Кыргыз Республикасынын Президенти Алмазбек Атамбаев Кадамжай районунун Масалиев атындагы айыл аймагына келди. Өлкө башчысы А.Атамбаев, КРнын Баатыры, маркум Абсамат Масалиевдин 80 жылдык мааракесине арналып курулган айкелдин ачылуу аземине катышты.
Айкелди Президент А.Ш.Атамбаев өзү ачып, жыйналган элдин алдында А.Масалиевдин жогорку кызматтарда иштеп жүргөндөгү анын актыгы, тазалыгы, даанышмандыгы, кичи пейил сапаттарына терең токтолуп, буюрса ушул жерден дагы ушундай инсандардын чыгышын тиледи.
фото «Эл жарчысы»
Президент андан-ары А.Масалиевдин киндик каны тамган жери Алыш айылындагы үйүнө барып куран окутуп, андан Баткенди карай жөнөп кетти.
«Эл жарчысы»
