Баткен облусунун Кадамжай районундагы Үч-Коргон айылында 2-декабрь күнү Валакуш айылынын тургуну 1969-жылы туулган Сатар Каимов Тегирмеч чегиндеги көмүр шахтага, көмүр казуу максатында кирип кетип кайра чыккан эмес. Бул тууралуу ӨКМ басма сөз кызматы билдирди.
Маалыматка ылайык, кечээ, 4-декабрь күнү издөө иштерине КР ӨКМнин Кызыл-Кыя шаардык №4-өзгөчө мобилдештирилген тоо-кен взводунун (ӨМТККВ) куткаруучулары барышып, издөө иштери жүргүзүлгөн. Бирок натыйжа болгон эмес. Издөө иштери бүгүн улантылат.
0 29
