Бүгүн, 10-январь күнү Баткендин Кадамжай районунун Халмион айыл аймагында жайгашкан «Баяман баатыр» базарында өрт кырсыгы катталды. Өрттүн келип чыгышынын себебтери иликтенүүдө.
Бул тууралуу Кадамжай райондук өрткө каршы күрөшүү кызматынан кабарлашты.
Өрттүн кесепетинен 3 соода түйүнү күйүп кеткен.
Өрт саат 10дор чамасында Кадамжай райондук өрткө каршы мамлекеттик кызматынын №76 бөлүктүн кызматкерлери тарабынан толук өчүрүлгөн.
Халмиондогу «Баяман баатыр» базары орто Азиядагы ири базарлардын катарына кирет. Тажикстан, Өзбекстан өлкөлөрүнүн жарандары соода кылышат. Базарга маркум Баяман Эркинбаевдин бир тууганы Умсунай Эркинбаева ээлик кылат.
Азамат Абсаттаров, атайын кабарчы
