Баткен облусунун Кадамжай районунда сууга аккан эки кыздын бири каза болуп, экинчиси куткарылды. Бул кабарды Өзгөчө кырдаалдар министрлигинин маалымат кызматы билдирди.
Окуя кечээ, 6-август күнү катталган. Такталган маалымат боюнча, райондун Бак айылындагы Лаган каналына 2 кыз түшүп кеткен. Бирөөсүн жергиликтүү тургундар куткарып калышкан.
Ал эми экинчисин издөөгө саат 17:38де Кадамжай райондук №75 ӨКБдан 8 куткаруучу тартылып, саат 18:14тө жергиликтүү тургундар кыздын жансыз денесин суудан чыгарышып, туугандарына өткөрүп беришкен.
Барометр.kg
