Кызыл-Кыя шаарындагы Караван айылында жайгашкан Мураталы Күренкеев атындагы орто мектептин директору Рабия Мусаева эжекенин билдирүүсүндө, май айынын аягында ушул мектептин 20 жыл мурун бүтүргөн бүтүрүүчүлөрдүн салымы аркасында, 1 комплект компьютерди алып келип өздөрү окуган класска орнотуп беришсе, 30 жыл мурун бүтүргөн окуучулар мектептин бир класстын айнек-терезелерин пласткадан койдуруп, жылуулап беришкен.
Мына ошол класстарда бүгүнкү күндө мотурайган бөбөктөр билим алышуу менен бирге, классты жаңылап берген ага-эжелерине чын дилдеринен ыраазычылыктарын билдиришүүдө.
Мектепти бүтүрүп кетишкен окуучулардын мындай демилгелери, кол кабыш кылган жакшылыктары жаш жеткинчектерге үлгү болоруна шеек жок.
Абдыкаримов Сабырали, «Мезгил жарчысы» гезити
